ഞാനും നിശബ്ദതയും....

നിശബ്ദതയെ ഞാന്‍ വളരെയേറെ ഇഷ്ടപ്പെടുന്നു....
അശാന്തമായിരുന്ന എന്‍റെ മനസ്സിന്‍റെ
മാറിലൊളിച്ചവളാണ്,
രാത്രിയുടെ ഇരുണ്ട യാമത്തില്‍ എനിക്ക്
കൂട്ടായി ഇരുന്നവള്‍....
മറ്റൊരു തരത്തില്‍ പറഞ്ഞാല്‍ ഞങ്ങള്‍
പ്രണയബദ്ധരാണ്,  വേര്‍പിരിയാനാവാത്ത വിധം...

നിന്നോട്....

ഓരോ മഴയും മനസ്സിലേക്ക് ഓടിയെത്തുമ്പോള്‍
അറിയാതെ ഓര്‍ക്കാറുണ്ട് ഞാന്‍ നിന്നെ....
എന്നും സ്വപ്നങ്ങളില്‍ മാത്രം കണ്ടിരുന്ന നിന്നെ.....


അപ്പോള്‍ ഞാന്‍ മനസ്സറിയാതെ പറയാറുണ്ട്‌!!!
ഈ പെയ്യുന്ന മഴയ്ക്കും നിന്‍റെ രൂപമാണെന്ന്.....

ഓര്‍മ്മകളിലേക്ക്....

പറയാന്‍ പലതും ബാക്കി വെച്ചാ ഇന്നലെയിലെ
മഴ പോയത്....
ഓര്‍ക്കാന്‍ ഇഷ്ടമുള്ള കുറെ നേരങ്ങള്‍ സമ്മാനിച്ച്
അവളും പോയി!!!
ഇന്ന് ഓരോ മഴയിലും അവളെ ഞാന്‍ വെറുതെ
പ്രതീക്ഷിക്കാറുണ്ട്....
വരില്ല എന്ന് തിരിച്ചറിഞ്ഞിട്ടും വെറുതെ എന്തിനോ
പ്രതീക്ഷിക്കാറുണ്ട്.....