Sunday 27 November 2011

മിഴിയ്ക്കുള്ളിലെ സ്വപ്നം...


അവള്‍ ഒരു സ്വപ്നമായിരുന്നു...
മിഴിയ്ക്കുള്ളില്‍ പതിവ് തെറ്റിച്ചു വരുന്ന ഒരു സ്വപ്നം...
ആ സ്വപ്നം എന്നും കാണാന്‍ കൊതിച്ച ഒരു മനസ്സായിരുന്നു
എന്റേത് !!!
അവളോട്‌ കൂട്ടികൂടിയും പിണങ്ങിയും എന്‍റെ സ്വപ്നത്തിന്
ജീവന്‍ വെച്ചു.
ഓരോ പിണക്കത്തിന് ശേഷം ഞങ്ങള്‍ പങ്കുവെച്ചത് പ്രണയമായിരുന്നു...
ഞങ്ങളറിയാതെ പ്രണയം എന്ന വിഷം ഞങ്ങളില്‍ ആരോ കുത്തിവെച്ചു.
ആ  വിഷത്തിന് പിരിയാനാവാത്ത വിധം മനസ്സിനെ
അടുപ്പിക്കാന്‍ കഴിഞ്ഞു...

ആ വിഷത്തിന്‍റെ അംശം എനിക്ക് നഷ്ടമായിത്തുടങ്ങിയത്
ഞാന്‍ അറിഞ്ഞിരുന്നില്ല.
ഒരിക്കലും പിരിയില്ല എന്ന് കരുതിയിരുന്ന ആ സ്വപ്നം
എന്നില്‍ നിന്ന് പതുക്കെ അകന്നുപോയി..
പിന്നീട് ആ സ്വപ്നം ഞാന്‍ കണ്ടിട്ടില്ല !!! 
പതിവ് തെറ്റിച്ചു വരുന്ന ആ സ്വപ്നം നഷ്ടമായി എന്ന്
കരുതാന്‍ കഴിയുന്നില്ല..
കാരണമറിയാതെ എന്നില്‍ നിന്നും അകന്നുപോയ
ആ സ്വപ്നത്തിന് മിഴി നിറഞ്ഞ ഒരു നനുത്ത നീര്‍ത്തുള്ളി
കാത്തുവെയ്ക്കുന്നു....

ഓര്‍മ !!!














Saturday 19 November 2011

നിന്‍റെ മിഴികള്‍ പറയുന്നത്.

















നിന്‍റെ മിഴികള്‍ എന്നോട് സംസാരിക്കുന്നത്
നിന്‍റെ മനസ്സിനെ കുറിച്ചാണ്..
എന്നോട് പറയാതെ നീ മനസ്സില്‍ ഒളിപ്പിച്ചു വെച്ച
ആ സ്വകാര്യം....
അത് കേള്‍ക്കാന്‍ കൊതിച്ച ഒരു മനസ്സ് ഉണ്ടായിരുന്നു
എനിക്ക്...
നിന്‍റെ മിഴികളുടെ ഭാഷ എന്‍റെ മിഴികളിലൂടെ
ഞാന്‍ വായിച്ചു...
നിന്‍റെ കണ്ണിമ വെട്ടുമ്പോള്‍ ആ കണ്‍പീലികള്‍ എന്നോട്
പിന്നെയും പിന്നെയും പറഞ്ഞത് ഞാന്‍ എന്‍റെ മനസ്സില്‍
മന്ത്രിച്ചു.....

പ്രണയമായിരുന്നുവല്ലേ എന്നോട്....

Monday 14 November 2011

തൂലികയെക്കുറിച്ച്....


തൂലിക പലപ്പോഴും നിശബ്ദനായിരുന്നു...
ഒരു അക്ഷരം പോലും കുറിക്കാനാവാതെ
അക്ഷമനായിരുന്നു..

നഷ്ടപ്പെട്ട ബാല്യത്തെയും
പങ്കുവെച്ച പ്രണയത്തെയും
കണ്മുന്നിലൂടെ കടന്നുപോയ
കലാലയത്തെയും ഓര്‍മകളില്‍
മാത്രം പേറി എന്‍റെ തൂലിക
നിശബ്ദനായിരുന്നു.....