മഴ ഇങ്ങനെ പെയ്തു പെയ്തു....
പറയാതെ പോയി!!!
പിന്നെയും അവിചാരിതമായി വന്നു എന്നോട്
സൗഹൃദം പങ്കു വെക്കുന്നു....
ഓരോ പ്രാവശ്യം വരുമ്പോളും മഴയ്ക്ക് എന്നോട്
പങ്കുവക്കാന്‍ നൂറു കൂട്ടം കാര്യങ്ങള്‍ ഉണ്ടാകും....
പല ദേശത്തെ പല കഥകള്‍....
എല്ലാം പങ്കുവെച്ചു പറയാതെ ഒരു പോക്കാ....
പിന്നെ മഴ ബാക്കിയാക്കി പോയ മഴത്തുള്ളികളാണ്
എനിക്ക് കൂട്ട്....
ഇലകള്‍ പൊഴിക്കുന്ന ഓരോ മഴത്തുള്ളികളും
ഓരോ സ്വകാര്യം പറഞ്ഞിട്ട് പോകും....
മഴ പെയ്യാന്‍ തുടങ്ങുമ്പോള്‍ ഞാന്‍ മുറ്റത്തേക്ക് ഇറങ്ങും....
ആദ്യമായി എന്‍റെ നെറുകയില്‍ പതിക്കുന്ന
മഴത്തുള്ളിയോടു എന്‍റെ പ്രണയം
പങ്കു വെക്കാന്‍....
No comments:
Post a Comment